Yeməkdən sonra uşağa nə vermək olar? Siz bu sualın cavabını bilirsiniz? Cavabın düzgün olduğuna əminsinizmi?
Bəzi analar uşağa yeməkdən sonra çay, kakao, süd verir. Olmaz! Çay, kakao və süd orqanizmin dəmir və sinki (dəmir və sink ət yeməkləri vasitəsilə qəbul edilir) mənimsəməsinə mane olur. Odur ki, yeməkdən sonra balanıza kompot və ya meyvə şirəsi verin.
Kompotu bütün mövsümlərdə hazırlamaq mümkündür. Qışda, meyvə olmayanda quru meyvələri qaynada bilərsiniz. Quru meyvələrdən hazırlanmış kompotun tərkibində mineral duzlar daha çox olur. Kompotu hazırlamaqdan asan şey yoxdur. Meyvələri yuyun, iridirsə doğrayın, üzərinə su və şəkər tozu əlavə edib qaynadın. Kompota mümkün qədər az şəkər tozu tökün ki, balanızada şəkərə aludəçilik yaranmasın. Uşağa kompotun yalnız suyunu verin, meyvələr uşağın boğazında qala bilər. Bunun qarşısını almaq üçün kompotu sücgəcdən keçirsəniz yaxşıdır.
Bir az böyüyəndən sonra uşağa yeməkdən sonra kisel də vermək olar. Kiselin tərkibindəki kraxmalı həzm etmək balacalar üçün çətindir. Ona görə də 2 yaşına qədər uşağa kisel məsləhət görülmür.
