Şəkildə gördüyünüz gələcək balanızın, daha doğrusu gələcək dölün təsviridir. 3-cü həftənin sonu, yəni mayalanmadan sonra şəkildəki kimi hüceyrələr topası əmələ gəlir. Ölçüsü cəmi 0,15mm olan bu topada nə qədər böyük dəyişikliklər getdiyini təsəvvür edə bilməzsiniz. Məsələn, dölün cinsiyyəti artıq müəyyəndir, hərçənd həkim bunu müəyyən edə bilməz.
İnkişaf etməkdə olan bu hüceyrə topası uşaqlığa doğru hərəkət edir və mayalanmadan bir neçə gün sonra bu topa-gələcək döl uşaqlığın divarına birləşir (əvvəlcə yüngül, 10 gündən sonra isə daha möhkəm birləşir). İndi siz hamiləsiniz!
Uşaqlığa düşən topada hüceyrələrin sayı artır, ondan ayrılan fermentlər sizin orqanizminizdə dəyişikliklərə səbəb olur, məsələn, menstruasiyanın qarşısını alır. Uşaqlıqda embrion ananın qanı vasitəsilə qidalanır, sürətlə inkişaf edir. Eyni zamanda cift--dölü bütün hamiləlik boyu qidalandıracaq orqan yaranmağa başlayır.
3-cü həftədə qadınların çoxunun hamiləlikdən xəbəri olmur. Bir az sonra, aybaşı olmayanda qadınlar şübhələnməyə başlayırlar.
