Hamiləlik zamanı əl-ayağın şişməsi təbiidir. Bu, bədəndə mayenin miqdarının artması ilə bağlıdır. Hamilə qadınların cəmi 25%-inin əl-ayağında şiş olmur.
Əl-ayağın şişkinliyi daha çox hamiləliyin sonunda, axşamlar hiss olunur. Və bu, qadına adətən, çox əziyyət vermir. Yatandan bir neçə saat sonra şişlər çəkilir.
Şişlərin qarşısını almaq üçün tez-tez istirahət etmək lazımdır. Ayaq üstə, ya oturaq vəziyytədə çox qalmayın. Oturanda, ya uzananda ayaqlarınızı yuxarı qaldırın. (Ayaqlar ürəyin səviyyəsindən yuxarıda olmalıdır.) Uzananda əllərinizi silkələyin, bu, şişi azaldır.
Rahat, ya təmiz dəri, ya da parçadan olan ayaqqabı geyinsəniz, daha yaxşı olar. Mümkünsə, işdə də ev ayaqqabılarınızı geyinin. Yuxarısı rezin olan corablar geyinməyin.
Əl-ayağınız çox şişirsə, gündə 8-10 stəkan maye içmək kifayətdir. Bir dəfəyə 2 stəkan maye içməyin. Güman edə bilərsiniz ki, 8-10 stəkan çoxdur. Ancaq bədəndə yığılan natriumu qovmaq üçün maye qəbul etmək lazımdır. Çox duzlu yeməyin ki, susamayasınız.
Əl-ayağın şişi 24 saat ərzində çəkilmirsə, həm də şişən tək əl-ayağınız deyilsə, çəkiniz qəfildən artırsa, təzyiqiniz çoxalırsa, təcili həkimə müraciət edin, çünki bu, normal deyil!
