Aşmaz-uşmaz,
Yerə düşsə,
Beli sınmaz.
Açması: Yarpaq
****
Əyri-üyrü boy atar,
Əyağı yerə batar.
Salxım-salxım sallanar
Altında sarvan yatar.
Açması: Söyüd ağacı
****
İnəyim var eşikdədi,
Alı-ili eşikdədi,
İldə bir kərə sağılar.
Özü yenə eşikdədi.
Açması: Bağ
****
Uzanar, ha uzanar,
Qollarınnan balalar.
Açması: Ağaclar
****
Avın alsan mırıldar,
Sığallasan xoruldar.
Açması: Pişik
****
Ağzı qara boz bəylər,
Vursan ağzın əyilər
Açması: Canavar
****
Ağızı var, dili olmaz,
Yüz ağac vur çığırmaz.
Açması: Balıq
****
Adam döyül, əl-ayağı, dişi var,
Əcəb şeydi, qərəvəllə işi var.
Açması: Meymun
****
Bağda sürünər gəzər,
Az-az görünər gəzər,
Oxşuyar bir yumağa
Qorxuram əl vurmağa.
Açması: Kirpi
****
Bir atım var minə bilmirəm.
Ağzın açsa dinə bilmirəm.
Açması: Şir
****
Bir axmaq öküzüm var,
İləndirib ət yeyər.
Açması: Ayı
****
Qaya altdan qaz gedər,
Burnun qulazlar gedər,
Bir il buğaya gələr,
Yeddi il boğaz gedər.
Açması: Fil
****
Qızılgül beçə verdi,
Sana gör neçə verdi?
Yarpaqsız ağac gördüm.
Torpaqsız beçə verdi
Açması: Maral buynuzu
****
Dağdan, qayadan aşar,
Pişik kimi dırmaşar.
İlan kimi sürünər,
Divardan bərk yapışar.
Açması: Kərtənkələ
****
Dik çıxanda ildırım,
Dik enəndə digirqoz.
Açması: Dovşan
****
Dilim-dilim nar,
Diziməcən qar,
Yeddi dananın gönü,
Bircə ayağıma dar.
Açması: Siçan
****
Yer altında yağlı küt.
Açması: Porsuq
****
O nədi ki, evə girməz,
Sədaqəti eldə gəzər.
Açması: İt
****
Ayağı yoxdur, qaçır,
Qanadı yoxdur, uçur.
Açması:bulud
****
Araba gedər, izi yox,
Yanar, yanar, közü yox.
Açması:Günəş
****
Bir ağacım var, oniki budağı.
Hər budağın otuz yarpağı.
Hər yarpağın bir üzü qara, bir üzü ağ.
Açması: Il, ay, gün
****
Bir qızıl öküzüm var,
Harda yatsa ot bitməz.
Açması: Od
****
Biri gedər, gəlməz,
Biri yatar, durmaz.
Açması: Tüstü, kül
****
Qəndə oxşar dadı yox,
Göydə gəzər qanadı yox.
Açması: Qar
****
Göydə doğular,
Yerdə boğular.
Açması: Yağış
****
Bostanda var bir arvad,
Paltar geyib qatbaqat.
Açması: Kələm
****
Yer altında sarı biz.
Açması: kök
****
Ləyəndə, ay ləyəndə,
Gül boynunu əyəndə,
Yeyilər kal vaxtında,
Yemək olmaz dəyəndə.
Açması: xiyar
****
Bir dağarcıq unum var,
Içində bir oxlov.
Açması: Iydə
****
Bir təndirim var iki çörək tutur.
Açması: qoz
****
Bu yanı taxta, o yanı taxta,
Yumuru bəy otaqda.
Açması: fındıq
****
Çölü sarı, içi darı.
Açması: əncir
****
Bir damım var,
tək dirəkli.
Açması: Göbələk
****
Ağzın açar, zəhər saçar,
Onu görən geri qaçar.
Açması: Ilan
****
Altı taxta, üstü taxta,
Bəy oturub otaqda.
Qoyun deyil, otlayır,
Toyuq deyil, yumurtlayır.
Açması: tısbağa
****
Yatanda yumuru yatar.
Ətin dərmana qatar.
Hər kim istər onu tutsun,
Tikanları əlinə batar.
Açması: kirpi
****
Gündüz yatar yuvada,
Cecə gəzər obada.
Açması: yarasa
****
Nağaraçı nağara çalır,
Nə nağarası var, nə çubuğu.
Açması: Ağacdələn
****
Qanadı var quş deyil,
Dişləyir, ilan deyil.
Açması: Ağcaqanad
****
Yazda yığır yeməyini,
Çox sevir öz əməyini.
Yeyib yatır baharadək.
Nədir adı tapın görək.
Açması: Qarışqa
****
Balaca quyu,
Içində suyu,
Ağcadan ağdı,
Sarıdan sarı.
Açması: Yumurta
****
Qızılgül pardaxlandı,
Qol atıb çardaxlandı,
Torpaqsız yerdə bitdi,
Yarpaqsız budaqlandı.
Açması: Maral buynuzu
****
Nənəyə dəyməz, babaya dəyər,
Xalaya dəyməz, bibiyə dəyər,
Allaha dəyməz billaha dəyər
Açması: dodaqlar
