2 Fevral tarixində - Media Mərkəzində "SOS Uşaq Kəndləri-Azərbaycan" Assosiasiyası "Gələcək bizimdir" adlı tədbir keçirmişdir.
“Valideyn himayəsindən məhrum olmuş uşaqların irqindən, milliyyətindən və dinindən asılı olmayaraq qayğısına qalır, onların isti ailə mühitində böyümələrini təmin edirik. Bizim əsas məqsədimiz həmin uşaqları müstəqil həyata hazırlamaqdır.” deyə tədbirdə çıxış edən assosiasiyanın direktoru Gülarə Hümbətova bildirmişdir.
Tədbirdə SOS Uşaq Kəndlərinin "Gənclər evi"ndən, "Ailələrə dəstək" sosial layihəsindən və 257 nömrəli məktəbdə təhsil alan bir qrup gəncin "Gələcək bizik" şüarı altında çəkdikləri qısa videoçarxlardan danışılmışdır.
Mərasimdə gənclər tərəfindən çəkilmiş 4 qısa videoçarx nümayiş etdirilmiş, bu görüntülərdə gənclərin sosial problemləri və onun həlli yolları göstərilmişdir.
Sonda "Gələcək bizik" layihəsində fəal iştirak edən bir qrup fəal gəncə diplom və fəxri fərman təqdim edilmişdir.
