Yeni Zelandiyada 3 yaşlı qız--Pipi ailəsinə əsil sürpriz edib. Kompüterə böyük marağı olan uşağın ana-atası bir səhər oyanıb, uşaqlarının onlar üçün 20 min Yeni Zelandiya dollarına (12.200 ABŞ dolları) böyük bir ekskavator aldığını görüb.
Rodney Times qəzetinin yazdığına görə Pipi ana və atası yatarkən kompüterlə oynamağa qərar verib. İnternetdə anasının daha əvvəlcədən acmış olduğu hərrac saytına daxıl olan uşaq, bir neçə düyməyə basmaqla (əlbəttə, istəmədən) Kobelco qazıntı maşınını satın alıb.
Anası Sara Quinlan bütün olanlardan yuxudan oyandıqdan sonra, kompüterin başına keçəndə xəbər tutub. Sara hadisəni belə xatırlayır: "Poçtuma baxanda hərrac saytından mənə gələn məktubu gördüm. Məktubda hərracı qazandığım bildirilirdi. Satıcıdan gələn məktubda isə, "Bu qazıntı maşınını sevəcəksiniz," yazılmışdı. Əvvəl, mənə elə gəldi ki, uşağım üçün axtardığım oyuncaq setini qazanmışam. Ancaq məktubları təkrar oxuduqda həqiqəti öyrəndim. Bu həyatımın şoku oldu."
Sara dərhal həmin hərrac saytı ilə əlaqə saxlayaraq, satıcıya zəng vurub, olanları danışıb. Amma hərrac saytının ailənin pulunu qaytarıb-qaytarmadığı məlum deyil.
Qəzet ailənin uşağı kompüterdən artıq uzaq saxladığını yazır.
