ABŞ-ın Florida ştatında uşağını maşında tək qoyan ananı məhkəməyə veriblər. 24 yaşlı Kasandra Bikman maşının pəncərələrini də bağlayıb, mağazaya gedib. Şahidlər isti havada, bağlı maşında qalan körpəni görüb, polisə xəbər veriblər. Köməyə mağazanın meneceri və bir müştəri gəlib. 8 aylıq uşağı çıxarıb, ilk yardım göstəriblər. Uşaq xəstəxanaya aparılıb, ananı isə həbs ediblər. Bikman uşağa etinasızlıqda günahlandırılır. Onu zaminə buraxmaq üçün 25 000 ABŞ dolları tələb olunur.
Uşağın vəziyyəti yaxşıdır, onu Florida Uşaq və Ailə Departamentinə veriblər.
