Sizin üçün bütün çağaların səsi eyni ola bilər, amma alimlər üçün deyil! Alimlərin apardığı araşdırma nəticəsində məlum olub ki, hər uşaq öz dilində ağlayır.
Mütəxəssislərdən ibarət beynəlxalq qrup 60 çağanın səsinə qulaq asıb. 3-5 günlük uşaqlardan 30-u fransız, 30-u alman ailəsində doğulan uşaqlar olub. Tədqiqat göstərib ki, uşaqlar hələ ana bətnində ikən öz dillərini öyrənirlər və sonralar hər uşaq öz anasının danışığına uyğun ağlayır.
Məsələn, fransız ailəsinda doğulan uşaqlar getdikcə qalxan tonla, alman uşaqlar düşən tonla ağlayırlarmış. Mütəxəssislər bu fərqin uşaqların ana dilinin xüsusiyyətlərinə uyğun olduğunu bildirirlər.
Almaniyadakı Uerzburq Universitetindən Ketlin Uermk deyir ki, uşaqlar ana bətnində olduqları zaman (hamiləliyin son 3 ayı ərzində) eşitdikləri melodiyanı yadda saxlayır, doğulandan sonra əks etdirməyə çalışırlar. Uermk və yoldaşları əmindirlər ki, çağa ağlamaqla anası ilə ilk ünsiyyətə cəhd edir.
